Wil je weten waarom stemmen voor Europa op 23 mei belangrijk is? Bekijk dan dit filmpje 👆

Twents interview in Bodbreef

Ik hou van de Twentse taal! Ik versta steeds meer en praat graag met mijn buurman. Hij spreekt altijd Twents, prachtig vind ik dat. Ik ben lid van de Kreenk vuur de Twentse Sproak en daar lees ik de Bodbreef. Zo leer ik al lezende het Twents. Soms denk ik al in het Twents! Het spreken durf ik nog niet aan. “Maar dat moet je gewoon gaan doen,” zo adviseren mensen mij enthousiast. 

Ik vind het een hele eer dat ik geïnterviewd ben door de Bodbreef! Je kunt dit gesprek hier nalezen in prachtig Twents. Veel dank Alie en Joop, het was reuze gezellig! 

Interview in ’t Twentehoes met Vic van Dijk

De éne buui noa ’n aandern kwam oet de loch vallen toen Joop Weber en ik of hadden sprökken in ’t Twentehoes met Vic van Dijk, den verstopt in ’t reagenpak an kwam fietsen. Eerst he’w tehope eaven roondkekken noar de verzameling van beuke en tiedschriften, dee doar zoal te zeen bunt. 

Vic is joonk wörden in Vucht, vlak biej Den Bosch in Broabaant. Hee kon good metkommen op de basisschole en gung duur noar ’t gymnasium Sint Michielsgestel. Doar begun toen dee grote veraandering in ’t oonderwies, de 2e fase, woarbiej de schoolljeugd keuzes mos maken oet veer profielen en Vic ziene keuze veul op netuur en techniek oondaanks zien geveul vuur taal. 

’t Was dan ok nich vrömd dat hee zich anmealdden vuur ne studie ‘chemische technologie’. Nöast ziene sport, ’t hockeyen, zat Vic ok in de redaksie van de schoolkraant en doar begun ’t felijk met. Woar ziene femilie en kameröa wal van opkeken was dat hee noar de U.T. in Eanske gung, want wel geet der noe vuur ziene studie noar Eanske, Vic dus. 

’t Was 2003, Vic kwam op ’n flat te wonnen, 7 hoog in ne buurte woar de spuurs van dee vuurwearkramp nog dudelijk te zeen waren. Later hef hee dee stee verloaten en hef toen ’n zetje in de Oosterstroat wond, zo leerden hee de buurten in Eanske al oarig kennen. De studie gung Vic wal good of en hee steet ok nich van wiedten te kieken as ’t um belaangrieke zaken geet. Zo kwam Vic terecht in bestuursfuncties van de U.T. zoas ’n Universiteitsroad en dat beveul em wal. Dan vrög Joop wat Vic ziene driefveer was um doarna in de plaatselijke politiek te goan en Vic stek van wal:
“Ik heb völ wille an ’t wearken met leu um miej hen, vuural ’t algemeen belang geet miej an ’t hette. Seend 2014 bun’k as roadslid van D66 gangs met de portefeuille Werk, Inkomen en Cultuur. Tusken dee verscheidenhead is ’t good um oonderling verbeendingen te leggen.
Biejnoa vanzölf kwam ik ok in ’t Regiopresidium van ’n Twenteroad trechte, doar geet ’t um de regionale belangen en doar zit ik namens ’n helen road van de gemeente Eanske.
Ik kan ’t weark vuur de politiek good combineren met mien eagen buro. Ik help studeanten vuur ’t ofstuderen um eure (technische) wearkstukke met völ formules en zo te maken. Kats aans as miene technische studie, mar dee kwam miej de leste paar joar ok good van pas. Dat zit zo, seend ’n antal joaren won ik in ’t boetengebied, in Twekkel en doar zit wiej met ’n allen in ’t consessiegebied van de (toen nog) Akzo. Noadat her en der in de nöaste umgeving beume dood gungen kwamen vrömde zaken op ’n bloten, toen he’k ’t MER rapport good duurworsteld.” 

Doarnoa stun Vic biejnoa dagelijks in de kraante, hee begreep good woar ’t belang tusken Twence en Akzo oaver gung en duur zien toodoon gungen slimme plannen um vliegas in de cavernes te doon nich duur en wörden der oaveral oonderzeuk doan. Oale leidingen dee lekkages veroorzaakten wörden vervangen. Hee gaf ok ’t bestuur van de Vereniging Behoud Twekkelo goeien road, klachten bunt bundeld en ne kemissie ‘oondergroond vuur de toekomst’ wörden opricht. Zien politieke wearkveeld is breed en Vic is ’t ok nich eens met de verdeling van de ceanten vuur Cultuur. Hier in Twente stoat wiej echt an ’n achtersten reppel, biejnoa alns geet noar de Randstad. Luk méér andach vuur oonze greansstreek is nich verkeerd. Vic zöt ’t wal zitten en geet verdan met vertellen: 
“Ik heb miej kandidaat steald vuur Europa umdat doar heel völle wördt regeld en a’j met wilt proaten mö’j toch in Europa wean. Nem b.v. ’t weark in de zoarg, starre oonderwiesregeltjes en bureaucratie stoat in de weg en diploma’s bunt nich oaveral liek, dat wearkt na umslachtig. 
’k Deank ok an ’t tookennen van subsidies vuur oonderzeuk en innovatie in ’t laandelijk gebied. Doar wil ik geern oaver met-proaten, ok is ’t better um oonderling verbeendingen te leggen en seempele regels oaver wonnen, salaris, belastingen en pensioenen der op noa te hoolden. Anpakken van ’t vervoer en gin tolheffingen dee oonderscheid maakt woara’j vandan komt möt ok better en vuur fietsers zollen der greansoaverschreidende fietspaden mötten wean. Oetwisselingsprojecten tusken de scholen oaver talen, woar ’t Nedersaksisch de neudige andach krig möt van de groond kommen. Good ok dat dee taal, dee in ’n groot deel van Europa broekt wördt noe eandelijk erkeand is as meenderheidstaal. 
Völ leu hebt der gin weet van wat doar zoal in Brussel en Straatsburg gebuurt.” 

De interne D66-stemming is slötten en Vic steet noe definitief op no. 12. ’t Zal ne spannende tied wörden op 23 mei roond de verkiezingen van de E.U. 
Vic is a ’n paar moal biej de EU west, o.a. met ’n Kreenk op bezeuk biej Annie Schreijer. Hee is a ’n paar joar lid van ’n Kreenk en ok één van de jongsten met zien 33 joar. Oondaanks dat hee duur ziene oalders ‘Hollaands’ is opbrach versteet hee ’t Twents good en ’n Bodbreef wördt met plezear leazen. Ziene biejnoa dagelijkse Twentse lessen krig hee van ’n nöasten noaber van 89 joar, en “doar leer ik heel völ van” zeg Vic. 

Wil iej meer weten oaver Vic, bekiek dan ziene webstea: https://vicvandijk.nl/

Joop Weber en Alie van der Veer
 

Reactie toevoegen

Beperkte HTML

  • Toegelaten HTML-tags: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Regels en alinea's worden automatisch gesplitst.
  • Web- en e-mailadressen worden automatisch naar links omgezet.

Wanneer u dit formulier verzendt verschijnt uw reactie na goedkeuring openbaar onderaan deze blog. U bepaalt zelf of u uw naam en het onderwerp van uw reactie invult. De reactie en uw eventuele naam en het onderwerp worden opgeslagen in de database van de website, zodat de website de reacties (na goedkeuring) kan tonen. Zie voor meer informatie de privacyverklaring